තණපිලි අගන් දවටා සිටි පිණි බිංදු -

හිරු කිරණකින් මිනිකැට වී (නෙතු) රැංදු -

අරුණෝදයේ සිසිලස මැද ගී සිංදු -

ගයමින් ඇයත් මඟ එනවා සිත බැංදු -

මුහුණට මුහුණ හමුවන පන්සල් පෙදස -

අප හමුවුනා හුංඩුවේ අහඹුව විලස -

පරවී මුකලිතව සිරි නැති මල් දහස -

යලි පිබිදුනා ලබමින් ඇයගේ පහස -

එනමුදු අදත් මඟහරිමින් සිහින මරා -

නොදැක්ක ලෙසින් ඇය යනවා හිතට හොරා -

ඇගේ නෙතු ළඟින් පිබුදුන අනුරාග නුරා -

වස්සානයේ පිබිදුන මල ! සුවඳ වරා -

(නෙතු) හිනහෙනා රාගය පිරි තාල ගෙතුම් - 

උරුමැකි නොවේ නම් කුමටද ආල හැගුම් 

 කුළුදුල් පෙමක් වෙනුවෙන් හද කරන පැතුම් - 

 බොඳවී ගොසින් කඳුලට මුසුවීලා සිතුම් -

පෙම් සල් අරණ තුල සුපිපුන සුවඳ මල -

පරවී ගිහින් පිපි මල් සරසවිය තුල -

නුඹේ ලොල් සිනා ඉදහිට මං දකින කල -

කඳුලක් ඇවිත නොදැනිම මා දෙනෙත් තුල -

මහදේ මෑවූ කුමරිය හිමි රූ සපුව -

උපමා කරන් හංසිය වූ මා (නෙතුව) -

ඈ යන විටදි නම කියමින් කෑ ගැසුව -

පිස්සෙක් වුනා blog වල මා කවි ලිව්ව -

කුලුදුල් පෙමේ විරහව මා දෙනෙතින්ම -

බොඳවී ගියත් පෙම් සිතුවම් කඳුලින්ම -

යලි සිහිවුනා ඇය දැකලා නිතැතින්ම -

හිමිනැති පෙමට මං හැඬුවා එලෙසින්ම -

ඇගේ රුව දිලෙයි සඳ කිරණක් ලෙසින් දිනා -

පැහැසර කරන් (නෙතු) සඟලෙන් කෝල සිනා -

රූ සපු ගුණය හිමි නැතිමුත් කෙනෙකු විනා -

මං කවි කියන්නද? ඈ ගැන තුටින් පිනා -