ගලනා දියෙන් මිණිකැට

දකුණු ලකින් නුඹ එනවිට කඳු රටට -

අරගෙන වරෙන් කිරි, මී පැණි එකට -

සිප ගත නොහැකි මුත් නුඹගේ රන් මුවට -

හෙට පැමිණලා කිරි කවන්න සිතුනි මට -

මී පැණිය රසය බැලුවොත් සුදු නුඹෙ සමට -

කිරි මෙන් දිලේ පිරිපුන් යස වත ලැමට -

එනමුදු සිසිල වඩමින් ගත වෙලි සෙමට -

සුවවනු කියා පිරිටන් දෙමි හොටු ලදට - 

සුදු හංසියක් සේ නුඹ ඇවිදින් ඇලට -

හැඩකර සිතුවමකි හිරිකඩු ඔය අපට -

ගලනා දියෙන් මිණිකැට මතු වන ලෙසට -

දිය නාපන්කෝ හෙම්බා හොඳ වුන දිනට -

හෙම්බා - හෙම්බිරිස්සව, සෙම්ප්‍රතිශාව