තණපිලි අගන් දවටා සිටි පිණි බිංදු -

හිරු කිරණකින් මිනිකැට වී (නෙතු) රැංදු -

අරුණෝදයේ සිසිලස මැද ගී සිංදු -

ගයමින් ඇයත් මඟ එනවා සිත බැංදු -

මුහුණට මුහුණ හමුවන පන්සල් පෙදස -

අප හමුවුනා හුංඩුවේ අහඹුව විලස -

පරවී මුකලිතව සිරි නැති මල් දහස -

යලි පිබිදුනා ලබමින් ඇයගේ පහස -

එනමුදු අදත් මඟහරිමින් සිහින මරා -

නොදැක්ක ලෙසින් ඇය යනවා හිතට හොරා -

ඇගේ නෙතු ළඟින් පිබුදුන අනුරාග නුරා -

වස්සානයේ පිබිදුන මල ! සුවඳ වරා -